Epekto ng recession?

Standard

Ang mundo ay puno ng masama. Puspos ng kadiliman. Laganap ang katampalasanan. Ang tanging dahilan? Karukhaan.

Isa ako sa libu-libong tao na lumaki sa makikipot at magulong lugar ng Kalookan. Literally speaking, mahirap.

Nung mga bata pa kami, hindi namin alintana ang hirap. Mahirap na para sa amin ang maging balagong sa tumbang preso. Ang hindi makatira sa luksong baka, at habambuhay na maging taya sa langit lupa. Pero ngayon iba na.

Kanina lang, umuwing ngumangawa yung pinsan ko. Yung pinsan ko, yung pinsan ko na mas matanda pa sa akin, yung pinsan ko na walang malay, lagi na lang ang pinsan ko, ahehehe. Naholdap daw sila sa may highway. Nakasakay sila sa jeep, puro sila babae nun. Sumakay daw ang apat na lalaki sa may bandang Pagamutang Bayan ng Malabon. Nagdeclare ng hold-up sa may Lapu-Lapu Extension. Limas lahat ng gamit nila. Tinangka nilang lumaban, pero sino ba ang magmamatapang kung tutukan ka ng revolver? Hay, buhay.

Estudyante. Yan ang madalas biktimahin ng mga masasamang loob. Palibhasa’y alam na walang laban at siguradong may cell phone ang mga kawawang biktima na ito kaya paborito nilang lamangan. Naawa talaga ako sa pinsan ko. Graduating pa naman siya sa kursong Education. Tangay lahat, I.D., libro, lesson plan, USB, cell phone, mp4, transcript of records, pati susi ng bahay namin. Nun ko lang siya nakitang umiyak ng ganun. Parang batang inagawan ng lollipop.

Pagkatapos kong maligo, naabutan ko pa rin siyang nakatunganga. Kabibigay lang kasi ng tito niya yung cell phone na yun at mp4. Kung tutuusin, ngayon lang talaga siya nagkaroon ng ganong luho. Tsk, tsk. Nasa mga probinsya ang mga magulang niya at dinala lang siya samin ng tito niya para pag-aralin.

‘Kahit sana yung libro ko at lesson plan ibalik nila.’ Yun lang ang hinihingi niya. Hindi pa siya napagbigyan.

Apat na lalaki. Puro payat daw. Sa may Pagamutang Bayan. Taga Bungo daw yun. Hindi ko alam. Inaabangan na daw sila ng mga pulis sa amin.

Nakakalungkot. May mga taong nasisikmurang manlamang sa kapwa. Hindi dahilan ang kahirapan para gumawa ng masama. Hanga nga ako sa basurero sa amin eh, maganda pa ang cell phone sa akin. Sa simpleng paraan na pangungulekta ng basura, napupunan niya ang pangangailangan niya. Thumbs up ako sa iyo kuya!

Delikado na talaga. Wala nang lugar na masasabi nating ligtas.

Advertisements

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s